مُلّا فاضل ءِ درشانداب ۔ شرف شاد ۔ بلوچی مراگش بام شُبین ۔ USA-IT

مُلّا فاضل ءِ درشانداب ۔ نبشتہ کار : شرف شاد ۔ مُلّا فاضل بلوچی شاعری ءِ شہ لچہ کار گُشگ بیت چو کجام ہم مزن ءُ وتی عہد ءِ سرخیلیں شاعرے ءِ بستار ءٙ ملا فاضل ءِ شاعری ءِ بازیں تک ءُ پہنات اٙنت ، بلوچی لبزانک ءٙ وھد وھد ءِ سرا چشیں نبشتانک الّم ءٙ نبشتہ کنگ بیتگ کہ آ مُلّافاضل ءِ زند ءُ اِزم ءِ بابت ءٙ بیتگ اٙنت بلئے انگت ءٙ آئی ءِ شاعری ءِ سرا چوشیں باوستے دیم ءٙ نہ یتکگ کہ آئی ءِ پارست ءٙ ملافاضل ءِ شاعری ءِ ازمی تک ءُ پہنات بہ گیشّ اٙنت ءُ پدّر بہ بنت ، ماں اے نبشتانک ءٙ ملا فاضل ءِ شعری درشانداب ءِ سرا گپ جنئگ ءِ کسانیں جہدے کنئگ بیتگ ۔ ‌درشانداب , بلوچی زبان ءٙ انگریزی ءِ لبز Style ءِ بزانت ءٙ کارمرز بیت کہ اردو ءٙ اُسلوب گشگ بیت ، یک شاعرے وتی درانگاز ءُ درشان ءٙ ہما زبان ءُ بیان ، ہما لبز ءُ گال ، چہر ءُ شُبین ءُ چیدگ ءُ ترکیباں کارمرز کنت ، آ آئی ءِ درشانداب گشگ بیت ، اردو انگلش ڈکشنری ءٙ اُسلوب ءِ معنا Way, style, manner, mood, mathod نبشتہ اِنت ۔ ‌شاعری بہ بیت یا ردانک لبزانک ءِ ہمک تہر ءٙ درشانداب ءِ چار ءُ تپّاس ءٙ ہمے چیز چارگ بنت کہ ساچشت کار یا نبشتہ کار پہ وتی درشان ءٙ چونیں لبز ءُ گال رِد ءُ بند دئیگ ءٙ اِنت ۔ Mulla fazul a darshaan daab . writter : Sharaf Shad . Voice : Nisar yousuf . Balochi maragish baam shuben 31, august, 2021 #mulla-fazul #darshandaab #sharaf-shad

Category